لو ينشكي همي شكيته

لو ينشكي همي شكيته على النـاس
بس البلا للنـاس ماتفيـد شكـواي

شكواي لله يجلـي الهـم والبـاس
ماغير رب الكـون يعلـم بدعـواي

نمسي بهوجاسً ونصبح بهوجـاس
عيت لتمشي لي على الكيف دنيياي

لنامت عيون البشر وارخت الـراس
مافيه عينً تسهـر اليـل لرضـاي

ماتهتني عيني ولا الجفـن بنعـاس
دايم وحيـد وطـاري الهـم ويـاي

وضعي صعب وحالتي صابه اليـاس
وازرت دكاتير المرض تعـرف دواي

والقلب دايم تنقطع عنـه الانفـاس
لمن ذكرت اللـي تسبـب ببلـواي

حسبي عليه الله بـلا حـد وقيـاس
راح وتركني يوم جيته من اقصـاي

بنيت له بالقلب قصرً علـي سـاس
مير هدمـة قبـل يتهنـا بمبنـاي

طـاوع بـي العـذال ولحبنـا داس
وعقب الموده يطلب اليـوم فرقـاي

وسوس بعقله له من الناس وس
واسوطاعة بقوله قبل لا يطلـب الـراي

وثوب الصداقه بدله بأرخص البـاس
ونسا وتناسى مامضى وأنكر الجاي

لقى بديـلً لـي يبادلـه الأحسـاس
وانا لقيت الشوك مـزروع بخطـاي

لو كنت وسط البحر ماهر وغطـاس
خلاص ماهو غايتي ماهـو أمنـاي

دامه مشى دربً نهايتـه الأفـلاس
والكذب له مبدا وانا الصدق مبـداي

بحـط دونـه بعـد مابـار حـراس
لايدخل بقلبـي ولا يقـرب حمـاي

وسجل الذكـرى بحبـرً وقرطـاس
ومع الهبوب اذرهـا بكـف يمنـاي

مـ نـ

لو ينشكي همي شكيته على النـاس
يعطيك العافيه ياقمر

مشكورة على الموضوع

والله لا يحرمنا من إبداعك وننتظر جديدك

ميرسي
على روعة تواجدكم يالغلا